الرسم بالبن تول بسهوله (درس فوتوشوب)

**loolya** · #1 (**permalink**) 15-11-2005, 11:03 AM

السلام عليكم ورحمة الله و بركاته ..

أعتذر و بشده عن تأخري في طرح الدروووس لكن لظرووفي الدراسيه الصعبه

اعانني الله و اياكم ..

و هذا درس مخصووص للبيت

كثير من الناس يخافون من البن تول و انا كنت واحده منهم

بعدين اكتشتفت ان البن تول اكثر اداه ممكن الواحد يتحكم فيها بسهوله و سلاسه

بس بشرط انه يفهم ابجدياتها..

اليوم راح أشرح لكم بطريقه سهله كيف نتعامل معها ..

و نرسم الشكل اللي نبيه بسهوله ..

(1)

اذا كنت حاطه في بالي اني برسم ورده مثلا ..

راح أبدا احللها الى الاشكال البسيطه اللي متكونه منها ..

يعني الورده عباره عن مثلثاات تمثل اللي هي اوراق الورده..

+ الدائره اللي هي الجزء اللي بالنص .. + مستطيل اللي هو الساق ,,

طيب ..

نختار اداة القلم

..

نتأكد اننا مختارين هالخيارات ..

الحين نبدأ نرسم ..

(2)

انقر (ديك على غفله خخ

) مره وحده في اي مكان .. بعدين انقر مره ثانيه ..

و مره ثالثه .. و اخر وحده انقرها بمكان النقره الاولى << :\

امم زي الصوره .. مسويتها متحركه عشان تفهمون :")

اذا حسيت انو مثلثك معوق شي ..

إختار اداة الدايركت سيلكشن ..

و اضغط على الشكل اللي رسمته ضغطه وحده حتى يتفعل ..

راح تطلع لك الرؤووس حقت المثلث ,,

اختار اي رأس -تلاحظ ان الرأس النشط راح يكون لونه رمادي -

و ابدا حركه يمين او يسار او فوق او تحت ...

الين يتعدل معاك الشكل..

النتيجه .. :

مثلث متساوي الساقين .............. =)

(3)

الحين راح نحول المثلث الى شكل ورقه الورده ..

نختار اداة الكونفيرت بوينت ..

نختار رأس اليمين من القاعده حقت المثلث ..

نبدأ نسحب من النقطه الى تحت و احنا نضغط (يعين لا تترك الماس) و نتحكم بالميلان و احنا ضاغطين

الين ما نرضى عن النتيجه بعدها اترك الماوس

راح نلاحظ ان طلعت لنا مقابض على قولتهم ..

هذي لزياده التحكم .. بس لا تلعبون فيهم ..

يعني التركيز على النقطه الرئيسيه اللي هي رأس المثلث سابقا ..

طيب الحين حصلنا على منحنى ..

نكرر اللي فوق مع الرأس اليسار ,, بس بدل ما نسحب لتحت راح نسحب لفوق ..

الرأس اللي فوق .. نسحبه لليمين شوي بس .. حتى نخفف حده الشكل ..

طبعا اذا سحبتها للعكس راح يدخل المنحنى لداخل بهالطريقه .

الحين طلع معنا شكل الورقه ..

(4)

طبعا راح نكرر اللاير على حسب العدد الي نبيه ..

للتكرار .. اضغط على اللاير لتفعيله بعدين اضغط ctrl+j

على عدد النسخ اللي تبهيم ..

(5)

نرتب الورقات بالشكل اللي نبيه ..

يعني انا رتبتهم كذا :

للي ما يعرف يحرك الاشكال ..

لتحريك الشكل و تدويره نختار السهم

.. و نفعل خيار الـshow boundring box

بعد ما نحرك الشكل و ندوره نضغط انتر ...

الحين واجبكم تكملون الرسمه .. بالطريقه الي تحبنوها ..

وجيبوا التطبيق عشان اشوفه..

هذا حقي ..

واحفظوه عنكم ملف مفتوح حتى نكمل عليه الدرس الجاي ..

و هو طريقه تلوين الشكل المرسوم و تجسيمه ....

اذا انتو حابين قبل ما نبدأ الجزء الثاني ..

ممكن نتعلم مع بعض طريقه رسم اشكال ثانيه ..

بس لو سمحتوا صوتوا فوق ; )

**بنت النور** · #2 (**permalink**) 15-11-2005, 03:58 PM

مشكوره اختي درس رائع و مجهود اروع و اتمنى لك كل التوفيق

**mohammed123** · #3 (**permalink**) 15-11-2005, 05:40 PM

درس رائع وموفق جدا وانا من رائى نستمر كام درس صغنون علشان يزيد عندنا التصور
انا كنت ايضا من المتقعدين من الة الـ Tool Pin ولكن وجدت لها فائدة كبرى في تشكيل اىشكل ولقد جربتها في درس رسم الماوس
لرسم الماوس والازرار .... غلــبتنى ولكن في الاخر طلعت لى نتيجة ممتازة ومجسده ومطابقة للواقع

عجبتنى جدا البطاقة الصغنونة مع الوردة ياريت تلعليمنى كيف سويتها

اضحكنى " مثلث معوق" و" طلع له مقابض" اقتباس من "Loolya"

**حياكم** · #4 (**permalink**) 15-11-2005, 06:03 PM

درس جميل يعطيك العافيه اختي لوليا

تحياتي وتقديري لك

**غالي علينا** · #5 (**permalink**) 15-11-2005, 10:59 PM

درس اكثررررر من رائع تحياتي لك يا مبدع

**photoshop** · #6 (**permalink**) 15-11-2005, 11:00 PM

الحمد لله عالسلامة
أحب البن تول وايد.. بس استخدامه صعب شوي.. تعلمته من ربيعتي يزاها الله خير
ودرسج حلو وتعلمت منه أشيا زيادة.. مشكورة لوليا وأكيد نستمر...
والله يعينج ويوفقج والجميع فدراستكم

**loolya** · #7 (**permalink**) 15-11-2005, 11:04 PM

اهلا بكم جميعا ,,,,,,,,,,

و انتظر تطبيقاتكم =)

حتى نبدأ بالدروس الجديده =)

**MaEstr0oo0** · #8 (**permalink**) 15-11-2005, 11:07 PM

بصراحه الدرس روعه

عندي طلب ممكن

ياليت نعرف كيف الحركه حقت شكرا لمروركم بصراحه روعه مثلك

**حلاتـــــك** · #9 (**permalink**) 16-11-2005, 09:09 AM

هلا والله ومرحراحب بلوليا

دائماً بتصاميمك وبدروسك في شغلات غير غير

قبل فترة شفت تقريبا 4 تصاميم واضح عليهم شغلك قلت برسلهم لك يوم اركز اكثر واشوف اسمك مكتوب على واحد منهم

يعني لو تكتبين على تصاميمك فلان بن فلان ما يفيد معروفه مبروك التمييز

حاولت اسوي مثلك بس طلعت الوردة معوقة وخاصة الورقة

مدري ليه صارت مغبرة يمكن من اجواء الرياض هاليومين

**loolya** · #10 (**permalink**) 16-11-2005, 12:25 PM

السلام عليكم ..

MaEstr0oo0
حياك اخوي ..
باذن الله بعد ما نخلص درووس الرسم راح نبدأ نتعلم دروس التلوين و الاخراج النهائي ..

=)

حلاتك
اهلا بك استاذي <<ناويه تكبر راسه شوي
اي 4 تصاميم ؟؟

و اي تميز .. ؟؟؟؟؟؟؟؟
ماشاء الله علي اثري مميزه و انا مدري

خخخخ ضحكتني على متأثر بغبار الرياض صدز والله الوانه غباريه صفرا و بنيه ..
قلت لك من اول شكلك تعشق درجات البرتقالي

اهم شي انو التطبيق ممتاز و شويه براكتس وراح يطلع شغل احلى ..

بانتظار تطبيقات البقيه حتى نحدد ماهيه الدرس القادم ..

كل الشكر لكم .. =)

مشاهدة نتائج الاستطلاع: شرايكم نستمر و ناخذ دروس رسم جديده و الا نبدأدروس تلوين ؟؟
نستمر..	21	80.77%
نبدأ نلون..	5	19.23%
المصوتون: 26. أنت لم تصوت في هذا الاستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري

التسجيل بالمنتدى	استرجاع كلمة المرور	طلب كود تفعيل العضوية	تفعيل العضوية	صور للتصاميم	الشروط والقوانين	صور و خلفيات
pagerank SEO	تحميل برامج	صور سيارات	تصميم مواقع	تحميل الصور	دروس سويتش	مركز تحميل الصور